Arestado ng 2nd Capiz Provincial Mobile Force Company ang isang lalaking wanted sa kasong VAWC sa Barangay Balucuan, Dao, Capiz noong ika-8 ng Mayo 2024.
Ayon kay PLtCol Elmer S Magbanua, Force Commander ng 2nd Capiz PMFC, nahuli ang suspek na isang 45 anyos na lalaki, may asawa at residente ng Sigma, Capiz sa pakikipagtulungan ng mga operatiba ng Dao MPS, Sigma MPS at Capiz PPO Tracker Teams.
Ang suspek ay may Alias Warrant of Arrest sa kasong paglabag sa Section 5 (I) ng Republic Act 9262 o Anti-Violence Against Women and their Children Act of 2004 na may rekomendadong piyansa na Php12,000 para sa kanyang pansamantalang kalayaan.
Patuloy ang 2nd Capiz PMFC sa kanilang adhikain na panatilihin ang kapayapaan at katahimikan sa kanilang nasasakupan na hulihin ang mga taong nagkasala sa batas.
Panulat ni Pat Charmaine Balunsat
Source: SecondCapiz Pmfc
