Nasabat ang Php261,583 halaga ng hinihinalang shabu sa Purok 10 Abiod Barangay Pag-asa, Kapalong, Davao del Norte sa isinagawang buy-bust operation ng pinagsanib na puwersa ng Regional Police Drug Enforcement Unit (RPDEU), Kapalong MPS at 1102nd Company RMFB nito lamang Mayo 9, taong kasalukuyan.
Kinilala ni PMAj Joel Caesar Vicente Cabe, Chief of Police ng Kapalong MPS, ang suspek na si alyas “Jan Jan” 32 anyos at residente sa Purok 2 Abiod Barangay Pag-asa, Kapalong, Davao del Norte
Nakuha mula sa suspek ang tatlong pakete ng hinihinalang shabu na may bigat na 38.46 gramo, isang cellular phone, green sling bag at buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Aligre L Martinez alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
