Arestado ng mga awtoridad ang isang lalaking Wanted Person na may kasong Homicide sa Barangay Liloan, Ormoc City nito lamang ika-14 ng Hunyo 2025.
Kinilala ni Police Major Omar Roel B Cartalla, Station Commander ng Ormoc City Police Station 3, ang suspek na si alyas “Kris”, 44 anyos at residente ng Barangay Tambulilid, Ormoc City.
Bandang 2:22 ng hapon nang maaresto ang suspek ng mga tauhan ng Ormoc City Police Station 3 sa bisa ng Warrant of Arrest para sa kasong Homicide na walang inirekomendang piyansa.
Ang matagumpay na pagkakaaresto sa suspek ay patunay lamang na epektibo ang pagpapatupad ng Pambansang Pulisya sa kanilang sinumpaang tungkulin na maghatid ng serbisyo publiko para sa mas payapa, ligtas, at maunlad na Bagong Pilipinas.
Panulat ni Patrolwoman Ma. Elena B Singian
