Walang takas ang isang Wanted Person sa kasong Attempted Rape matapos maaresto ng mga awtoridad sa Purok 4, Barangay Bagacay, Calbayog City, Samar nito lamang ika- 28 ng Abril 2024.
Kinilala ni Police Captain Juryll G. Abarca, Officer-In-Charge ng Sto. Niño Municipal Police Station, ang nadakip na si alyas “Indong”, 37, construction worker at residente ng Sto. Niño, Samar.
Naaresto ang suspek bandang 8:30 ng gabi ng mga tauhan ng Sto. Niño Municipal Police Station kasama ang 1st Samar Provincial Mobile Force Company sa bisa ng Warrant of Arrest para sa kasong Attempted Rape na may inirekomendang piyansa na Php24,000.
Dinala ang akusado sa Calbayog City Police Station para sa kaukulang dokumentasyon at tamang disposisyon.
Mas pinaigting pa ng Pambansang Pulisya ang pagtuligsa sa mga Wanted person at iba pang kriminalidad para sa patuloy na ligtas at mapayapang Bagong Pilipinas.
Panulat ni Patrolwoman Christine Reyna T Tolledo
