Tinatayang Php102,000 halaga ng shabu ang nasamsam sa isang tricycle driver ng Antipolo PNP sa kahabaan ng Lower Zigzag Barangay Dalig, Antipolo City nito lamang ika-27 ng Abril 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang suspek na si alyas “Louie”, 49 taong gulang, residente ng Antipolo City, Rizal.
Naaresto ang suspek dakong 8:37 ng umaga sa nasabing barangay sa ikinasang buy-bust operation ng mga tauhan ng Antipolo Component City Drug Enforcement Team (CDET), nakumpiska naman mula sa suspek ang pitong pirasong heat-sealed transparent plastic sachet na naglalaman ng hinihinalang shabu na tumitimbang ng higit kumulang 15 gramo at nagkakahalaga ng Php102,000, isang unit ng cellphone, isang pitaka at isang 500 bill bilang boodle money.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Sinisiguro ng mga kapulisan ng Rizal na ang kanilang mamamayan ay ligtas mula sa salot ng ilegal na droga at iba’t iba pang uri ng kriminalidad at maipadama sa mga tao na sa Bagong Pilipinas ang gusto ng kapulisan ay laging ligtas ang bawat isa.
Source: Rizal Police Provincial Office
Panulat ni Patrolwoman Angelica Rica S Teng
