Napasakamay ng mga awtoridad ang Most Wanted Person matapos arestuhin kasunod ng paghain ng Warrant of Arrest sa kasong Rape sa Barangay Calasgasan, Daet, Camarines Norte nito lamang Abril 24, 2024.
Kinilala ni Police Colonel Joselito E Villarosa Jr, Provincial Director ng Camarines Norte Police Provincial Office, ang wanted person na si alyas “Lito”, 73 anyos, may asawa at residente ng nasabing lugar.
Bandang 8:15 ng gabi nang maaresto ang akusado ng pinagsanib na pwersa ng mga tauhan ng Daet Municipal Police Station at CIDG Camarines Norte PFU sa bisa ng Warrant of Arrest para sa kasong Rape na walang piyansa.
Sa pamamagitan ng determinasyon ng mga kapulisan ng PNP Bicol, mas papaigtingin pa nila ang kanilang pagganap sa tungkulin at operasyon upang mapanagot ang mga taong may pagkakasala sa batas at masiguro ang seguridad ng mga mamamayan tungo sa Bagong Pilipinas.
Source: CNPPO PIO
Panulat ni Pat Rodel Grecia
