Nagsagawa ang pulisya ng Intensification Information/Awareness Campaign Against Rape sa Barangay Liwayway, Diffun, Quirino noong ika-24 ng Abril 2024.
Ang naturang aktibidad ay inisyatibo ng Diffun Police Station sa pangunguna ni Police Major Juanito D Balite Jr, hepe ng naturang istasyon kasama ang mga kapulisan ng Police Regional Office 2 sa pangunguna ni PMaj Baby Rose P Cajulao, Chief FJGAD/CAS at mga kapulisan ng Quirino Police Provincial Office na pinangunahan naman ni PLtCol Ramon M Macarubbo Jr, Chief PCADU at PMaj Hazel Taborada Calucag, Provincial Legal Officer.
Tinalakay sa naturang aktibidad ang mga paksa ukol sa Republic Act 8353 (Anti-Rape Law Act of 1997) at R.A. 7610 (Special Protection of Children Against Child Abuse, Exploitation and Discrimination Act) katuwang ang mga Barangay Officials ng Barangay Liwayway, Diffun, Quirino.
Ang nasabing aktibidad ay dinaluhan ng mga magulang, guro at mga mag-aaral ng Liwayway Elementary School, Diffun, Quirino, kasama ang mga miyembro ng KKDAT at ilang residente ng nasabing lugar.
Kasabay naman nito ay ang pagsasagawa ng feeding activity sa mga naging kalahok sa aktibidad.
Ang aktibidad ay bilang pagtugon sa kampanya ng gobyerno na magbigay ng tamang kaalaman sa komunidad upang maiwasang maging biktima ng anumang uri ng kriminalidad at ibigay ang nararapat na suporta para sa kapakanan ng lahat.
Source: Diffun Police Station
Panulat ni Pat Jerilyn Colico
