Taytay, Rizal – Arestado ang Top 9 Most Wanted Person (Provincial Level) sa paglabag sa RA 9165 sa manhunt operation ng Rizal PNP nitong Lunes, Abril 18, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Mandi Picardo, 24, residente ng 52 BA Cruz St., Brgy. Sta Ana, Taytay, Rizal.
Ayon kay Police Colonel Baccay, bandang 9:20 ng gabi naaresto ang suspek sa nasabing barangay sa manhunt operation ng Taytay Municipal Police Station.
Ayon pa kay Police Colonel Baccay, naaresto ang suspek sa bisa ng Warrant of Arrest sa paglabag sa RA 9165 o Comprehensive Dangerous Drugs Act of 2002 na may rekomendadong piyansa na Php200,000.
Ang tagumpay ng PNP laban sa mga taong may pananagutan sa batas ay bunga ng pakikipagtulungan ng mamamayan upang mapanatiling ligtas at maayos ang komunidad.
Source: Rizal PPO
###
Panulat ni Police Executive Master Sergeant Elvis C Arellano
