Tacloban City – Nagtangkang tumalon sa gusali ng Eastern Visayas Regional Medical Center ng Tacloban City ang isang babae na umano’y bantay ng isang pasyente nito lamang araw ng Miyerkules, Abril 20, 2022.
Kinilala ni Police Major Winrich Laya Lim, Police Station 2 Commander, ang babae na si Cresilda Balasanos Cinco, 43, walang trabaho, residente ng Brgy. 103, Palanog, Tacloban City.
Ayon kay PMaj Lim, bandang 6:40 ng umaga nakitang nasa labas ng bintana ang babae at nagtangka na tumalon mula sa ika-apat na palapag ng gusali at sinikap ng mga rumespondeng tauhan ng Tacloban City PNP at Bureau of Fire Protection na masagip ang naturang babae.
Pagkatapos naman ng ilang oras na pakikipag-usap sa babae, halos buwis buhay ang pagrescue ng mga pulis na sina PCpl Samson Bolivar, PCpl Mariel John Daza, PSSg Jerson Rosales kasama ang isang tauhan ng Bureau of Fire Protection na si SFO3 Sommy Cormero.
Sa ngayon naligtas na ito at nai-turn over sa ospital para sa medikal na atensyon.
Ang PNP ay hindi matatawaran ang malasakit sa ating kapwa, lalo na sa pagbibigay ng agarang tulong sa mga nangangailangan kahit na buhay man nito ay malagay sa kapahamakan.
###
