Napasakamay ng awtoridad ang Top 6 Provincial Most Wanted Person na may kasong Frustrated Murder matapos maaresto sa Barangay Rubas, Jaro, Leyte nito lamang ika-9 ng Mayo 2024.
Kinilala ni Police Lieutenant Colonel Marino Azur G Estonio, Force Commander ng 2nd Leyte Provincial Mobile Force Company, ang suspek na si alyas “Angelo”, 21 anyos at residente ng Baranga Rubas, Jaro, Leyte.
Bandang 9:15 ng gabi ng maaresto ang suspek ng mga tauhan ng 2nd Leyte Provincial Mobile Force Company kasama ang Leyte Provincial Intelligence Team, Regional Intelligence Unit 8, PNP Anti-Kidnapping Group 8, 124 SAC, 12 Special Action Battalion PNP SAF, Provincial Intelligence Unit, Leyte Police Provincial Office at Jaro Municipal Police Station.
Ang suspek ay naaresto sa bisa ng Warrant of Arrest para sa kasong Frustrated Murder na may inirekomendang piyansa na Php200,000 para sa kanyang pansamantalang kalayaan.
Ang Pambansang Pulisya ay patuloy sa pagsugpo at paghuli sa mga taong nagkasala sa batas at hinihikayat ang komunidad na makipagtulungan sa mga awtoridad upang matiyak ang katahimikan, kaayusan at kaligtasan ng bawat isa dahil sa Bagong Pilipinas ang Gusto ng Pulis, Ligtas ka!.
Panulat ni Pat Ma. Elena B Singian
