Tanay, Rizal – Arestado ang Top 6 Most Wanted Person (Provincial Level) sa kasong Lascivious Conduct sa ikinasang joint operation ng Rizal PNP nito lamang Huwebes, May 5, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Cesar S Fulgueras, nasa wastong gulang at residente ng Brgy. Sampaloc, Tanay, Rizal.
Ayon kay PCol Baccay, bandang 5:40 ng hapon naaresto si Fulgueras sa nasabing barangay ng mga operatiba ng Tanay Municipal Police Station at Regional Intelligence Unit.
Ayon pa kay PCol Baccay, naaresto si Fulgueras sa bisa ng Warrant of Arrest sa kasong Lascivious Conduct under Sec. 5 (B) of RA 7610 (3 counts) na may rekomendadong piyansa na Php200,000 bawat isa na may kabuuang halaga na Php600,000.
Ang pinaigting na operasyon ng PNP laban sa mga taong may pananagutan sa batas ay bunga ng suporta ng mamamayan upang mapanatiling ligtas at maayos ang komunidad.
Source: Rizal Police Provincial Office PIO
###
Panulat ni Patrolman Mark Lawrence Atencio/RPCADU 4A
