Kusang sumuko ang isang wanted person sa kasong Qualified Statutory rape sa pamamagitan ng pagkumbinse ng Tukuran Municipal Police Station sa pamumuno ni Police Major Simplicio M Pasaol Jr., Acting Chief of Police nito lamang Abril 21, 2024.
Kinilala ni Police Major Simplicio M Pasaol Jr., Acting Chief of Police ng Tukuran MPS, ang matagumpay na pagpapasuko sa suspek na isang lalake, 20 anyos at residente ng Purok Agoho, Barangay Baclay, Tukuran, Zamboanga del Sur.
Naging matagumpay ang pagpapasuko sa suspek at agarang paghain ng Warrant of Arrest laban sa suspek sa kasong Statutory Rape na walang piyansa.
Patunay lamang na ang kapulisan katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan, at seguridad at magkaroon ng maunlad na sa isang Bagong Pilipinas.
