Arestado ng Quezon City Police District ang isang lalaki dahil sa Illegal Possession of Firearms at Grave Threat sa Quezon City nito lamang Lunes, Abril 22, 2024.
Kinilala ang suspek na si Noel, 63 taong gulang, isang contractor at consultant, at residente ng Barangay Bagong Silangan, Quezon City.
Ayon sa ulat, sumugod diumano ang suspek sa tahanan ng biktima kung saan bumunot ito ng baril at itinutok ang kanyang baril sa biktima.
Nakahingi naman ng tulong sa mga nagpapatrolyang pulis ng istasyon ang biktima na nagresulta sa agarang pagkakadakip ng suspek.
Narekober sa possession ni Noel ang isang (1) unit ng Kalibre .45 Colt (1911) na may Serial Number na 0519521 na may kasamang 10 na bala at isang magasin.
Nahaharap sa kasong paglabag sa Republic Act 10591 o ang Comprehensive Firearms and Ammunition Regulation Act ang nasabing suspek.
Pinuri ni Quezon City Police District (QCPD) Director, PBGen Redrico A Maranan ang mga operatiba sa kanilang agarang aksyon na nagresulta sa pagkakaaresto sa suspek at pagkakakumpiska ng nasabing mga baril. Aniya, “Binabati ko ang PS 13 sa mabilis na pagresponde nila sa nangyaring ito. Ang pagkahuli sa suspek at pagkarekober sa baril na walang lisensya ay maituturing na isang tagumpay dahil nailigtas sa kapahamakan ang ibang tao.”
Source: PIO QCPD
Panulat ni PSSg Remelin M Gargantos
