Lanao del Sur – Napatay sa isinagawang joint-operation ng PNP at AFP ang notoryus na criminal gang leader na may kasong 2 frustrated murder at 7 murder sa Brgy Pilimoknan, Maguing, Lanao del Sur nito lamang ika-3 ng Mayo 2023.
Kinilala ang napatay na suspek na si Oscar “Tacmar” Capal Gandawali, isa sa mga suspek sa pananambang kay Governor Mamintal A Adiong Jr. na nagresulta sa pagkasugat nito at pagkamatay ng tatlong pulis noong ika-17 ng Pebrero, 2023, gayundin ang pananambang noong oktubre 2018 na nagresulta sa pagkamatay ng limang PDEA agents.
Ayon kay Police Brigadier General Allan Nobleza, Regional Director ng PRO BAR, ang naturang suspek ay itinuturing na Top 1 Most Wanted Person sa Municipal at Provincial Level, habang Top 4 naman sa Regional Level.
Ang grupo ni Oscar “Tacmar” Capal Gandawali ay sangkot sa Gun Running, Robbery Hold-up, kalakaran ng ilegal na droga sa Lanao del Sur at mga katabing bayan at kilala din bilang financier at tagasuporta ng ISIS inspired sa lugar.
Dagdag pa, nang isisilbi na ang Warrant of Arrest ay agad na pinaputukan ng suspek ang mga operatiba dahilan upang gumanti ng putok ang mga ito na nagresulta sa pagkakasugat nina SSg Nio Mickhael Angelo Virecio, Philippine Army at Barangay Chairman ng naturang barangay.
Narekober sa pinangyarihan ang iba’t ibang uri ng baril at bala, transparent plastic sachet na naglalaman ng shabu na may kabuuang timbang na 13.216 gramo na nagkakahalaga ng Php89,868; at iba pang drug paraphernalia.
Isinugod sa Amaipakpak Medical Center ang sugatang si SSg Virecio at ngayon ay nasa stable na kondisyon, habang dinala naman sa Maguing Rural Health Unit si Barangay Chairman Manonggiring.
Ang tagumpay na ito ay nagpapatunay lang sa kampanya ng Philippine National Police na labanan ang kriminalidad at pagbayarin ang mga taong nagkakasala sa batas upang mapanatili ang katahimikan at kapayapaan sa ating komunidad.
Panulat ni Patrolman Charlie Nasroden Corpuz
