Occidental Mindoro – Timbog ang isang High Value Individual sa isinagawang buy-bust operation ng mga tauhan ng San Jose Municipal Police Station sa Brgy. San Roque, San Jose, Occidental Mindoro, noong Miyerkules, Mayo 3, 2023.
Kinilala ni Police Colonel Jun Dexter Danao, Provincial Director ng Occidental Mindoro, ang suspek na may alyas na “Bunsoy”, residente ng Brgy. Bubog, San Jose, Occidental Mindoro bilang Provincial High Value Individual.
Ayon kay PCol Danao, naaresto ang suspek sa isinagawang buy-bust operation ng pinagsanib na puwersa ng mga tauhan ng Regional Police Drug Enforcement Unit katuwang ang Municipal Drug Enforcement Unit ng San Jose Municipal Police Station at Provincial Drug Enforcement Unit ng Occidental Mindoro Police Provincial Office.
Ang nasabing suspect ay nahaharap sa kasong paglabag sa RA 9165 matapos makabili ang nagpanggap na poseur buyer kapalit ng 1,000 piso ng hinihinalang ilegal na droga na may timbang na humigit-l kumulang 0.03 gramo.
Narekober rin mula sa suspek ang pera na ginamit bilang buy-bust money, isang cellphone, at dalawa pang plastic sachet ng hinihinalang shabu na may timbang na humigit kumulang .043 gramo.
Ang pagpapaigting ng pagpuksa sa ilegal na droga sa lalawigan ng Occidental Mindoro ay isa lamang sa derektiba ni PCol Danao upang patuloy na magkaroon ng kaayusan at kapayapaan tungo sa kaunlaran ng ating bansa.
Panulat ni Patrolman Erwin Calaus
