Cebu – Kulong ang 22-taong gulang na binata sa Cebu matapos mahuli sa aktong pagbebenta ng ilegal na droga sa inilunsad na buy-bust operation ng City Drug Enforcement Unit ng Naga City Police Station noong Mayo 4, 2023.
Kinilala ni Police Lieutenant Colonel William Homoc, Officer-In-Charge ng Naga City Police Station, ang naaresto na si ‘Edilbert’, residente ng Bulacao Pardo, Cebu City.
Sa report, dakong alas-4:40 ng hapon noong Huwebes ng mailunsad ang operasyon na nagresulta sa pagkakadakip ng suspek at pagkakakumpiska ng nasa 10 small heat-sealed transparent plastic sachet ng hinihinalang shabu.
Nahaharap sa patung-patong na reklamo kaugnay sa ilegal na droga ang naaresto.
Panawagan ng Naga City PNP sa lahat ng mga magulang na patuloy na subaybayan ang kanilang mga anak upang malayo sa pagkakasangkot sa mga ilegal na aktibidad.
