Cebu – Boluntaryong isinuko ng isang magsasaka sa mga operatiba ng City Mobile Force Company (CMFC) ng Cebu City Police Office (CCPO) ang kanyang loose firearm noong Huwebes, Mayo 4, 2023 sa Brgy. Lusaran, Cebu City, Cebu.
Ayon sa Force Commander ng CMFC, Police Lieutenant Colonel Dexter Calacar, dakong alas-3:55 ng hapon nang isuko ng isang alyas “Ise” ang isang unit ng 22 revolver.
Ayon pa kay PLtCol Calacar, ang matagumpay na pagsuko ng naturang baril ay bunga ng pinaigting na kampanya kontra loose firearm at bahagi sa pagpapanatili ng kaayusan at kapayapaan ng lungsod.
Kaugnay rito, panawagan ng buong hanay ng Cebu City PNP sa publiko na huwag mag-atubiling dumulog sa pinakamalapit na himpilan ng pulisya ukol sa mga alalahanin ng kanilang seguridad.
