Mandaue City – Timbog ang 30-anyos na lalaking target sa drug-bust operation ng Mandaue City PNP sa Sitio Maharlika, Brgy. Tipolo, Mandaue City noong Sabado, Setyembre 30, 2023.
Kinilala ni Police Colonel Maribel Getigan, Acting City Director ng Mandaue City Police Office (MCPO), ang naaresto na si Boboy, residente ng Sitio Sipphai, Punta Princesa, Cebu City at kabilang sa talaan ng Street Level Individual.
Nadakip ang suspek dakong alas-8:22 ng gabi sa operasyon na pinangunahan ng mga miyembro ng City Intelligence Unit at City Drug Enforcement Unit ng Mandaue City Police Office.
Nakumpiska sa operasyon ang hinihinalang shabu na tumitimbang ng nasa 25 gramo na may Standard Drug Price na Php170,000, isang coin purse, at buy-bust money.
Patuloy naman ang kapulisan ng lungsod sa pagpapahusay at pagpapaigting ng kanilang hakbangin sa layuning lutasin ang problema sa ilegal na droga at masamang dulot nito sa komunidad.