Patuloy ang Regional Police Community Affairs and Development Unit 4A sa pagtaguyod ng Ligtas UNDAS 2023 nito lamang Nobyembre 2, 2023.
Bumisita si Police Colonel Meldrid Patam, Chief, RPCADU 4A, sa Green Haven Memorial Garden at Amadeo Public Cemetery sa Amadeo, Cavite.
Bumisita din si Police Lieutenant Colonel Owen Banaag, Assistant Chief, RPCADU 4A sa Holy Garden Greenhills Memorial Park Brgy. Barandal, Calamba City, Laguna.
Samantala, nagpunta din sina Police Staff Sergeant Donabel Dulin at Police Corporal Ronel Pabo sa Santuario Divino Memorial Resort, Bacoor, Cavite habang sina Patrolman Jhun Jhun Macaindig at Patrolman Joshua Cruz ay sa Lian Public Cemetery, Lian, Batangas.
Ang mga tauhan ng RPCADU 4A ay tumulong sa mga kapulisan at Force Multipliers na nakatalaga sa bawat Police Assistance Desk (PAD) sa nabanggit na sementeryo.
Bukod dito, namahagi ng IEC Materials patungkol sa Crime Prevention Tips, E-Sumbong at Safety tips sa pagdiriwang ng All Soul’s Day kaugnay ng LIGTAS UNDAS 2023.
Hinikayat ng RPCADU 4A ang mga mamamayang nagsipunta sa sementeryo na suportahan at makiisa sa layunin ng pamahalaan sa pagtaguyod ng isang ligtas, tahimik at maayos na pamayanan hindi lamang nitong Undas 2023 kundi sa araw-araw na pamumuhay.
Panulat ni Patrolman Louviemer E Julian
