Cavite – Nagsagawa ang Regional Police Community Affairs and Development Unit 4A ng Information Awareness Drive at Outreach Program kaugnay ng BIDA-Drug Abuse Resistance Education (DARE) Program sa Lumil Elementary School, Brgy. Lumil, Silang, Cavite nito lamang Lunes, Oktubre 2, 2023.
Katuwang ng RPCADU 4A ang Philippine National Police Academy – Field Medical and Dental Unit at Regional Mobile Force Battalion 4A-Curao.
Tinalakay sa mga mag-aaral mula sa Grade 5 ang Drug Prevention Education, Anti-Bullying Law, Child Abuse Law (RA 7610) at Orientation of Youth and Student on Terrorism (OYSTER) bilang suporta sa National Task Force to End Local Communist Armed Conflict o NTF-ELCAC.
Bukod dito, namahagi ng 100 pirasong tinapay mula Gardenia Bakeries, 100 pirasong tetra pack (minute maid juice) na mula naman sa Coca-Cola Beverage Philippine Inc. at mga IEC materials.
Layunin nitong ipaalam sa mga kabataan ang mga batas na sumasakop sa droga, krimen at insurhensiya at kung paano maiwasang maging biktima ng mga ito at hinihikayat ang mga estudyante at mga stakeholders na patuloy na suportahan ang programa ng gobyerno para sa kaligtasan at kapayapaan ng bawat isa.
Panulat ni Police Staff Sergeant Donabel T Dulin
