Naaresto ng mga tauhan ng Police Regional Office Negros Island Region (PRO-NIR) ang Rank 9 Regional Most Wanted Person (MWP) sa Barangay Tapon Norte, San Jose, Negros Oriental nito lamang ika-16 ng Hunyo, 2026.
Ang matagumpay na operasyon ay resulta ng mas pinaigting na Oplan Tracker ng San Jose Municipal Police Station kung saan nahuli si alyas “Chris,” 19-taong gulang, na nahaharap sa mga kasong Acts of Lasciviousness at Statutory Rape dahil sa umano’y pangmo-molestiya sa isang biktimang menor de edad.
Kasalukuyan nang nasa kustodiya ng pulisya ang suspek para sa tamang dokumentasyon at disposisyon bago i-turn over sa kaukulang korte.
Ang tagumpay na ito ay patunay ng walang humpay na dedikasyon ng kapulisan na isabuhay ang mantra ng pamunuan na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Tiniyak naman ng PRO-NIR na patuloy nilang tugisin ang lahat ng mga nagtatago sa batas upang maihatid ang isang ligtas at mapayapang komunidad para sa lahat.
Panulat ni Pat Andrea Dominique Depalubos
Source: PRO NIR
