Arestado ang tinaguriang Top 2 Most Wanted Person ng Northern Mindanao sa ikinasang operasyon ng mga operatiba ng Police Regional Office 10 nito lamang Lunes ng hapon, Agosto 3, 2026 sa Villanueva, Misamis Oriental.
Kinilala ni Police Brigadier General Christopher N Abrahano, Regional Director ng Police Regional Office 10, ang suspek na si alyas “Kim”, 24 anyos, single, estudyante na dinakip sa bisa ng Warrant of Arrest sa kasong 2 Counts of Statutory Rape sa ilalim ng Criminal Case Nos. R-CDO-26-02529-CR at R-CDO-26-02530-CR na walang inirekomendang piyansa at 7 Counts of Acts of Lasciviousness sa ilalim ng Criminal Case Nos. R-CDO-26-02531-CR to R-CDO-26-02541-CR na may inirekomendang piyansa na aabot sa Php1,260,000.
Naging matagumpay ang operasyon dahil sa pagsisikap ng mga tauhan ng 1001st Maneuver Company ng Regional Mobile Force Battalion 10, Battalion Headquarters and Tactical Support Company ng RMFB10, Villanueva Municipal Police Station, Misamis Oriental Provincial Intelligence Unit at Regional Intelligence Division 10.
“No child should suffer abuse in silence, especially at the hands of someone they trust. We encourage parents, teachers, relatives, and community members to remain vigilant and immediately report any suspected abuse. Protecting our children is a shared responsibility, and PRO10 will continue to ensure that those facing criminal charges are brought before the courts,” pahayag ni RD Abrahano.
Source: Police Regional Office 10
Panulat ni PMSg Grace Ortiz
