Matagumpay na naaresto ng Police Regional Office 8 (PRO8) sa ilalim ng pamumuno ni PBGen Jason L Capoy, Regional Director, ang Rank 1 Most Wanted Person (MWP) sa kasong rape sa Brgy. San Marcos, Agoo, La Union nito lamang July 10, 2026.
Kinilala ang suspek sa alyas na “John,” 64-year-old driver at residente ng Brgy. Dao, Oras, Eastern Samar. Inaresto ang suspek sa bisa ng warrant of arrest sa kasong rape sa ilalim ng Article 266-A ng Revised Penal Code, nang walang piyansang inirekomenda.
Nanguna sa operasyon ang mga tauhan ng 1st Eastern Samar Provincial Mobile Force Company (1st ESPMFC) katuwang ang Agoo Municipal Police Station, Cubao Police Station 7 ng Quezon City Police District, Provincial Intelligence Unit–Eastern Samar Police Provincial Office, Oras Municipal Police Station, at ang 801st Maneuver Company, Regional Mobile Force Battalion 8.
Agad namang dinala ang suspek sa Agoo MPS para sa karagdagang dokumentasyon at tamang disposisyon.
“The successful arrest of one of the region’s most wanted persons demonstrates the strong collaboration among our operating units and our unyielding resolve to ensure that fugitives are brought before the courts. We will continue to intensify our campaign against wanted persons as part of our commitment to uphold the rule of law and keep our communities safe,” pahayag pa ni PBGen Capoy.
Alinsunod sa adbokasiya ng “Bagong PNP para sa Bagong Pilipinas: Serbisyong Mabilis, Tapat, at Nararamdaman,” palalawigin pa ng PRO8 ang kanilang kampanya upang tugisin ang lahat ng mga wanted person para mabigyang-hustisya ang kanilang mga biktima at matiyak ang kaligtasan ng publiko.
