Nasabat ang tinatayang Php290,000 halaga ng mineral ores sa ikinasang checkpoint operation ng mga awtoridad sa Brgy. Limonda, Opol, Misamis Oriental nito lamang gabi ng Lunes, Abril 27, 2026.
Ayon kay Police Brigadier General Christopher N Abrahano, Regional Director ng Police Regional Office 10, dalawa sa anim na mga suspek ay aktibong miyembro ng PNP na nakatalaga sa Police Regional Office 11, habang ang apat na mga suspek ay galing sa probinsya ng Zamboanga del Sur, Davao de Oro, Compostela Valley, at Bislig City na nahaharap sa kasong paglabag Section 53 ng Republic Act No. 7942, o ang Philippine Mining Act of 1995.
Narekober sa naturang operasyon ang isang white Isuzu L300 na may dalang 58 sako ng mineral ores na tinatayang nagkakahalaga ng Php290,000, dalawang Glock 17 Gen4 pistols na may magazines, 60 rounds ng 9mm ammunition, anim na cellular phones, at isang jackhammer.
Naging matagumpay ang operasyon dahil sa pagsisikap ng mga tauhan ng 1001st Maneuver Company, Regional Mobile Force Battalion 10, Opol Municipal Police Station, 2nd PMFC at Misamis Oriental Provincial Intelligence Unit, Regional Intelligence Division 10, at RIDMD 10.
“This successful interdiction highlights the effectiveness of our intensified checkpoint operations in curbing illegal mining activities in the region. Let this serve as a clear warning—no one is above the law. We will not tolerate any unlawful act, even if committed by members of the police service,” ani ni RD Abrahano.
Source: Regional Public Information Office 10
Panulat ni PMSg Grace Ortiz
