Nasabat ang tinatayang Php13,600,000 halaga ng shabu habang idineklarang dead on arrival ang suspek sa isinagawang buy-bust operation ng PNP-PDEA BARMM sa Barangay Tandu Bato, Luuk, Sulu noong ika-27 ng Abril 2024.
Kinilala ang suspek na si alyas “Pal” na naninirahan sa Barangay Seit Lake, Panamao, Sulu.
Ayon sa ulat, ang operasyon ay isinagawa ng pinagsanib operatiba ng PDEA Sulu BARMM, Sulu Provincial Investigation Unit, 54th Special Action Company, NICA BARMM, Regional Investigation Unit IX, Luuk Municipal Police Station, 1st Provincial Mobile Force Company, 1404th-Battalion, 101th Infantry Batallion Philippine Army, 112th MICO PA, at Coast Guard Station Eastern Sulu na nagresulta sa pagtamo ng sugat ng isang sibilyan at tama ng bala sa suspek na nauwi sa pagkasawi nito matapos makipagpalitan ng putok sa mga awtoridad.
Nasabat mula sa suspek ang dalawang kilo ng hinihinalang shabu na nagkakahalaga ng Php13,600,000 kasama ang 20 piraso ng tig-sang libong photocopied money at Php1000 peso bill.
Ang sugatang sibilyan ay kasalukuyang nagpapagaling habang ang nasawing suspek ay nasa Luuk District Hospital para sa wastong medikal at tamang pagpapasya.
Siniguro naman ng Sulu PNP ang walang tigil na pagsawata at pagpapaigting ng kampanya laban sa mga gumagamit at nagbebenta ng ilegal na droga sa kanilang nasasakupan.
Panulat ni Pat Veronica Laggui
