Matagumpay ang isinagawang Comprehensive Outreach Program ng mga tauhan ng Candelaria Municipal Police Station, sa pamamagitan ng Medical Check-up, Gift Giving, at Feeding Program, sa mga residente ng Purok 3, Barangay Taposo, Candelaria, Zambales nito lamang Linggo, ika-28 ng Abril 2024.
Ang naturang aktibidad ay pinamunuan ni Police Captain Ronand S Carpio, Officer-In-charge ng Candelaria MPS, katuwang ang LGU Candelaria sa pamumuno ni Hơn. Byron Jones E Edquilang, Municipal Mayor, Mr. Boyet Ordillas Jr., Global PCR, KKDAT, Barangay Official ng naturang lugar at mga tauhan ng Candelaria MPS.
Labis naman ang tuwa at galak ng mga benepisyaryo sa kanilang natanggap na libreng tulong at serbisyo na handog ng mga kapulisan.
Patuloy naman ang Zambales PPO at iba pang ahensya ng pamahalaan na tulungan, iangat at suportahan ang bawat isa sa pamamagitan ng libreng serbisyo kabilang na ang pamimigay ng pangangailangan sa usaping pangkalusugan, at iba pang mga proyekto sa mga mamamayan para sa mas maunlad na lipunan.
Panulat ni Pat Marimar J Junio
