Pinangunahan ni Police Brigadier General Jemuel F. Siason, Deputy Regional Director for Administration ng Police Regional Office Bangsamoro Autonomous Region (PRO BAR), ang talakayan hinggil sa mga guidelines at procedures para sa seguridad ng 2026 Bangsamoro Autonomous Region in Muslim Mindanao (BARMM) Parliamentary Elections noong Setyembre 11, 2026, sa PRO BAR Lounge, Camp Brigadier General Salipada K. Pendatun, Parang, Maguindanao del Norte.
Tinalakay sa pagpupulong ang mahahalagang paghahanda upang matiyak ang operational readiness, maayos na koordinasyon, at pagpapatupad ng komprehensibong security measures para sa ligtas, mapayapa, maayos, at secure na pagsasagawa ng kauna-unahang BARMM Parliamentary Elections. Binigyang-diin dito ang kahalagahan ng maagap na pagpaplano at koordinasyon ng mga kinauukulang stakeholders upang mapanatili ang kaayusan at seguridad sa buong proseso ng halalan.
Dumalo rin sa talakayan si Dr. Gopal Krishna Siwakoti, Chairperson at Mission Adviser ng Asian Network for Free Elections (ANFREL), kasama ang iba pang kinatawan mula sa ANFREL at National Democratic Institute (NDI).
Ang naturang inisyatiba ay bahagi ng patuloy na paghahanda ng PNP upang maitaguyod ang isang ligtas, mapayapa, at maayos na halalan, alinsunod sa adhikain ng PNP na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: PRO BAR (https://www.facebook.com/share/1H4QZKzrV7/?mibextid=wwXIfr)
