Matagumpay na naipasakamay ng mga tauhan ng Quirino Municipal Police Station ang bago at malinis na palikuran sa isang pamilya sa Barangay Cayus, Quirino, Ilocos Sur nito lamang ika-25 ng Abril 2024.
Ang naturang aktibidad ay pinangunahan ni Police Captain Tito B Lawana, Jr, Officer-In-Charge ng Quirino Municipal Police Station katuwang sina Police Lieutenant Giovanie R Bisnar, DOIC, Municipal Mayor Allen Nimo, Jr., at SBM Elmer Panduyos.
Bago ang turnover ng naturang palikuran ay binasbasan ni Pastor Jessie Gaspar, Life Coach, ang bagong gawang pasilidad na sinaksihan ng mga Barangay Officials sa pangunguna ni Barangay Captain Rodrigo Tangaag at Work Immersion Students ng Tirad View Academy.
Ang nasabing palikuran ay ipinatayo para sa pamilya ni Tatay Adriano Bao-il alinsunod sa 5Ps Project ng PNP (Pabahay, Patubig, Palikuran, Pantawag, at Pailaw)” na naglalayong matulungan ang mamamayan ng Region 1.
Nagpaabot naman ng pasasalamat si Tatay Adriano dahil sa wakas ay naisakatuparan na ang kanilang kahilingan na magkaroon ng maayos, malinis at komportableng palikuran.
Samantala, patuloy naman ang pagpapaabot ng Police Regional Office 1 sa pamumuno ni PBGen Lou F Evangelista ng maraming tulong at serbisyo katuwang ang iba’t ibang ahensya ng gobyerno at ang mga private stakeholders na walang sawang nagbibigay ng tulong sa mga lubos na nangangailangan tungo sa bagong pilipinas.
Panulat ni Patrolwoman Jenilyn Consul
