Nagsagawa ng Groundbreaking Ceremony para sa itatayong Standard Type “B/C” Municipal Police Station Building ng Solana Police Station na ginanap sa Barangay Centro Solana, Cagayan nito lamang ika-25 ng Abril 2024.
Ang aktibidad ay pinangunahan ni Police Brigadier General Marcial Mariano P. Magistrado IV, Deputy Regional Director for Administration kasama si Police Lieutenant Colonel Edith D. Narag Acting Chief, Regional Logistics and Research Development Division at si Police Lieutenant Colonel Romeo I. Pillos Jr, hepe ng Solana Police Station.
Sa itatayong bagong pasilidad, inaasahang magkakaroon ng mas magandang kakayahan ang mga kapulisan upang matugunan ang mga pangangailangan ng komunidad.
Sa pamamagitan ng proyektong ito, inaasahan na mas mapapalakas ang ugnayan sa pagitan ng lokal na pamahalaan at ng kapulisan, na magtutulak ng mas mabuting serbisyo para sa komunidad.
Samantala, sa gitna ng mga hamon at pagbabago, ang mga hakbanging ito ay patunay na ang gobyerno ay patuloy na nagtutulungan upang siguruhin na ang kapayapaan at kaayusan ay mananatili para sa Bagong Pilipinas.
Source: Police Regional Office 2
