Buong galak na isinagawa ng mga personahe ng Police Community Affairs and Development Group (PCADG) ang New Year’s Call para kay Police Brigadier General Vina H. Guzman, PCADG Director, ngayong umaga ng Enero 8, 2026, sa Bulwagang Lapulapu, Camp BGen Rafael T Crame, Quezon City.
Pinangunahan ng mga miyembro ng Command Group, na binubuo nina PCol Joel T Serrano, Deputy Chief for Administration; PCol Adonis B Guzman, Deputy Chief for Operations; at PCol Joel T Ada, Chief of Staff, ang pagbibigay-pugay sa pinuno ng yunit. Nakiisa rin sa okasyon ang mga hepe, assistant chiefs, at ibang mga personahe ng mga dibisyon na bumubuo sa PCADG.
Ang makabuluhang seremonya ay nakatuon sa pagbibigay-pugay kay PBGen Guzman, bilang pagpapakita ng buong suporta, katapatan, at paggalang sa kanyang pamumuno sa pagsisimula ng bagong taon.
Sa kanyang mensahe, muling inalala ng Direktor ang mga hamon ng yunit sa nagdaang taon, at ang katatagan ng loob at propesyonalismo ng kanyang mga tauhan na nakatuon sa misyon ng PCADG. Aniya, “The past year brought significant challenges to PCADG…These developments required rapid adjustment, resilience, and professionalism from every level of the organization. Despite these transitions, PCADG remained operational and mission-focused because of the dedication and discipline of its personnel.”
Ngayong taon, buong-loob niyang hinamon ang mga tauhan na mas patatagin pa ang dedikasyon, disiplina, at propesyonalismo sa pagtupad ng tungkulin ngayong bagong taon.
“This year, we will focus on strengthening and improving our capabilities. We will enhance our public affairs and community information programs to reach more people and deliver messages that are timely, relevant, and impactful. We will pursue the upgrading of equipment to ensure better quality of service and more effective communication with our communities. We will also prioritize the repair, renovation, and improvement of our facilities, including our studio and the PNP museum, to support our operational and advocacy requirements,” ani PBGen Guzman.
Kasabay sa pagdiriwang ang pagbibigay-parangal sa mga Police Non-Commissioned Officers at Non-Uniformed Personnel na nagpakita ng natatanging dedikasyon sa kani-kanilang mga gampanin sa kanilang mga opisina sa buwan ng Disyembre 2025.
Bago magtapos ang aktibidad, muling pinangunahan ni PBGen Guzman ang ceremonial toast, na hudyat ng magandang pagsisimula ng taon para ipagpatuloy ang paglilingkod nang may puso, integridad, at pagkakaisa.
