Milyon-milyong halaga ng marijuana ang nadiskubre ng Kalinga PNP sa isinagawang marijuana eradication sa Mt. Chumanchil Barangay Loccong, Tinglayan, Kalinga nito lamang ika-30 ng Abril 2024.
Ayon kay Police Colonel Freddie M Lazona, Provincial Director ng Kalinga, naging matagumpay ang operasyon dahil sa pinagsanib na pwersa ng mga pulisya sa pangunguna ng Special Operation Unit-Cordillera at PNP Drug Enforcement Unit kasama ang Tinglayan MPS, Regional Mobile Force Battalion, Kalinga PPO at iba pang yunit ng kapulisan.
Ang operasyon ay nagresulta sa pagkadiskubre ng isang plantasyon na may 130,000 piraso ng fully grown marijuana plants.
Bagama’t walang nahuling cultivator, binunot at sinunog ng mga operatiba ang mga nasabing marijuana sa mismong lugar at kumuha ng sapat na sample upang isumite sa Regional Forensic Unit para sa qualitative test.
Pinuri naman ni PCol Lazona ang mga operatiba sa kanilang matagumpay na operasyon at siniguro na lalo pa nilang paiigtingin ang kanilang kampanya kontra sa ilegal na droga upang matuldukan ang paglaganap ng pinagbabawal na gamot sa kanilang nasasakupan.
Panulat ni Pat Melba Langbis
