Nakiisa ang mga personnel ng 2nd Cagayan Provincial Mobile Force Company (PMFC) sa isinagawang Brigada Eskwela Kick-Off Program sa Curva Elementary School noong Mayo 29, 2026, bilang bahagi ng patuloy na suporta ng Philippine National Police sa sektor ng edukasyon at paghahanda ng mga paaralan para sa nalalapit na pagbubukas ng klase.
Pinangunahan ni PSMS Jesus Ganiban ang pakikilahok ng 2nd Cagayan PMFC sa aktibidad, kasama ang mga kinatawan ng Bureau of Fire Protection (BFP), Philippine Navy, Philippine Coast Guard (PCG), mga opisyal ng barangay, mga guro, magulang, at iba pang stakeholder ng komunidad. Nagkaisa ang iba’t ibang sektor upang magsagawa ng mga gawaing nakatuon sa paglilinis at pagpapaganda ng kapaligiran ng paaralan.
Layunin ng Brigada Eskwela na matiyak ang kalinisan, kaayusan, at kahandaan ng mga pasilidad pang-edukasyon bago magsimula ang klase. Naging pagkakataon din ito upang higit pang mapalakas ang koordinasyon at pagtutulungan ng mga ahensya ng pamahalaan at ng komunidad sa pagtataguyod ng ligtas at maayos na kapaligiran para sa mga mag-aaral.
Mahalagang bahagi ng programa ang aktibong pakikilahok ng iba’t ibang sektor upang matugunan ang mga pangangailangan ng mga paaralan at mapanatili ang kaligtasan ng mga mag-aaral at guro sa kanilang pagbabalik-eskwela.
Sa pakikiisa sa Brigada Eskwela, muling ipinakita ng 2nd Cagayan PMFC ang kanilang malasakit at suporta sa mga programang pangkomunidad, kaakibat ang pagsusulong ng adhikain ng Philippine National Police na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: PNP 2nd Cagayan PMFC
