Arestado ang mag-asawang Most Wanted Person sa Regional Level sa rehiyon ng CARAGA sa isinagawang OPLAN PAGTUGIS – manhunt operation ng Criminal Investigation and Detection Group (CIDG) Surigao del Norte Provincial Field Unit kasama ang Intelligence Group at territorial police units sa Claver, Surigao del Norte noong ika-3 ng Oktubre 2025.
Kinilala ang mga suspek sa alyas na “Ben” at “Raquel”, nasa legal na edad, residente ng Purok 3, Barangay Cagdianao, Claver, Surigao Del Norte, at kapwa miyembro ng Communist Terrorist Group sa ilalim ng Weakened Guerilla Front 30 (WGF 30), na nahaharap sa patong-patong na kaso sa rehiyon.
Ayon sa ulat, si “Ben” ay tinaguriang Number 2 Regional Most Wanted Person sa rehiyon ng CARAGA dahil sa pitong Warrants of Arrest para sa Murder, Frustrated Murder, Multiple Attempted Murder, Violation of Republic Act 9208 as amended by Republic Act 10364 (Expanded Anti-Trafficking in Persons Act of 2012 of Republic Act (Philippines Act of Republic Act of 2012), at Violation Against International Humanitarian Law, Genocide, and Other Crimes Against Humanity).
Si “Raquel” naman ay Number 3 Regional Most Wanted Person dahil sa walong Warrants of Arrest para sa Multiple Attempted Murder, Frustrated Murder, Slight Illegal Detention, Arson, at mga paglabag sa Republic Act 9208 na inamyenda ng Republic Act 10364; at Republic Act 9851.
Lubos ang pasasalamat ni PMGen Robert A Morico II, Acting Director ng CIDG, sa CIDG Regional Field Unit 13 at CIDG Surigao Del Norte Provincial Field Unit dahil sa kanilang pagsisikap na nagresulta sa pagkadakip ng mga suspek.
Aniya, “I commend the Regional Chief of CIDG Regional Field Unit 13 and CIDG Surigao Del Norte Provincial Field Unit and joint units for their unrelenting effort in pursuing these two fugitives. It underscores our unyielding stance against terrorism. With their capture, we significantly helped the government win over terrorism, and helped the victims and their families attain the justice they deserved. Maraming salamat sa inyo.”
Ang PNP, sa liderato ni PLtGen Jose Melencio C. Nartatez Jr., Acting PNP Chief, ay hindi titigil sa pagpapatupad ng batas at pagsasagawa ng mga hakbang upang masiguro ang kaligtasan ng publiko laban sa mga tao o grupong naghahasik ng takot sa komunidad. Hinihikayat din ang publiko na maging listo at ipag-alam sa awtoridad kung may napapansing kahinahinala sa paligid upang maging kaagapay sa pagpapanatili sa kaayusan at kapayapaan sa bansa.
