Malaybalay City, Bukidnon – Timbog ang isang laborer sa kasong Murder sa isinagawang Joint Operation ng Malaybalay PNP at Regional Mobile Force Battalion 10 sa Purok 1, Brgy. Kulaman, Malaybalay City, Bukidnon nito lamang Biyernes, Setyembre 23, 2022.
Kinilala ni Police Major Felipe Yap Jr., Deputy Chief of Police ng Malaybalay City Police Station, ang suspek na si Romy Ganahon alyas “Junver Ganahon”, 36, laborer at residente ng Purok 1, Brgy. Kulaman, Malaybalay City, Bukidnon.
Ayon kay PMaj Yap Jr., bandang 5:08 ng umaga naaresto ang suspek sa kanyang tirahan ng mga tauhan ng Malaybalay City Police Station at 1004th Maneuver Company ng RMFB 10 sa bisa ng Warrant of Arrest sa kasong Murder na walang inirekomendang piyansa.
Ang Pambansang Pulisya ay hindi titigil sa pagseserbisyo ng tapat at pagmamalasakit sa mamamayan upang magkaroon ng kaayusan at kapayapaan ang probinsyang nasasakupan.
Source: Malaybalay City Police Station
Panulat ni Patrolman Joshua Fajardo/RPCADU 10
