Concepcion, Tarlac – Nagsagawa ng Feeding Program ang Concepcion PNP sa mga mag-aaral ng Concepcion, Tarlac nito lamang Huwebes, ika-22 ng Setyembre 2022.
Ang naturang aktibidad ay pinangunahan ni Police Lieutenant Colonel Noriel Rombaoa, Acting Chief of Police ng Concepcion Municipal Police Station kasama ang mga guro ng nasabing paaralan, Barangay Officials, Faith-Based Group at Action Force Multipliers Protection Incorporation.
Nasa 100 na mag-aaral mula Kinder at Grade 1 ang nabigyan ng libreng lugaw at tinapay.
Ang aktibidad ay kaugnay sa programa ng Pambansang Pulisya na Malasakit, Kaayusan, Kapayapaan tungo sa Kaunlaran.
Ang buong Kapulisan ng Tarlac ay patuloy na magbibigay ng magandang serbisyo sa mamamayan at mapaigting ang ugnayan ng PNP at Pamayanan.
Panulat ni Police Corporal Jeselle Rivera
