Nakiisa ang mga tauhan ng Kapalong Municipal Police Station at Revitalized Pulis sa Barangay (RPSB) sa isinagawang tree planting activity
bilang bahagi ng pagdiriwang ng Police Community Relations (PCR) Month 2026 noong Hulyo 25, 2026 sa Sitio Pipisan, Brgy. Gupitan, Kapalong, Davao del Norte.
Ang delegasyon ay kinabibilangan ng Kapalong MPS sa pamumuno ni Police Major Bryle F Patalinghug, Chief of Police, katuwang ang mga tauhan ng RPSB.
Ang naturang aktibidad ay isinagawa sa pangunguna ng Davao North Construction sa pamamagitan ni Mr. Nits Dela Torre, Environmental Planner.
Layunin ng tree planting activity na isulong ang pangangalaga sa kapaligiran, palakasin ang partisipasyon ng komunidad, at makatulong sa pagpapanumbalik at pangangalaga ng likas na yaman. Naging pagkakataon din ito upang higit pang mapagtibay ang ugnayan ng kapulisan at iba’t ibang sektor ng lipunan sa pagsusulong ng mga programang may positibong epekto sa kalikasan.
Ipinakita ng aktibong pakikilahok ng Kapalong MPS at RPSB ang kanilang patuloy na dedikasyon sa pagsuporta sa mga programang pangkalikasan at sa pagpapatibay ng pakikipag-ugnayan sa komunidad. Ang ganitong mga inisyatiba ay sumasalamin sa patuloy na adbokasiya ng Philippine National Police na pangalagaan hindi lamang ang kapayapaan at kaayusan, kundi maging ang kalikasan bilang mahalagang yaman ng bawat pamayanan. Sa pamamagitan ng pagtutulungan ng kapulisan at ng komunidad, patuloy na isinusulong ng PNP ang responsableng pangangalaga sa kapaligiran at ang pagsusulong ng isang ligtas, malinis, at luntiang pamayanan, alinsunod sa hangarin ng “Bagong PNP para sa Bagong Pilipinas – Serbisyong Mabilis, Tapat, at Nararamdaman.”
Source Kapalong MPS
