Arestado ang isang indibidwal sa pagdadala ng baril ng mga tauhan ng Iligan City Police Station 5 sa Purok 3, Barangay Saray, Iligan City nitong ika-18 ng Abril 2024.
Kinilala ni Police Major Marvin C Cajegas, Station Commander ng Iligan City Police Station 5, ang suspek na may dalang baril na si alyas “Joel”, 33 taong gulang at residente ng Purok Bination, Ubaldo Laya, Iligan City.
Bandang 5:30 ng umaga ng nakatanggap ng impormasyon ang nasabing istasyon na may isang kahina-hinalang lalaki na may dalang baril na agad naman na nirespondehan ng mga tauhan ng Iligan City Police Station 5.
Agad namang naaresto ang suspek at narekober sa kanya ang isang baril at ng suriin ay wala itong maipakitang dokumento.
Nahaharap ang suspek sa kasong paglabag sa Republic Act 10591 o Comprehensive Firearms and Ammunition Regulation Act.
Ang Iligan City PNP ay patuloy sa layunin na makalap at mahanap lahat ng loose firearms para maiwasan na magamit ito sa krimen at mapanatili ang seguridad at kaligtasan ng mamamayan sa bawat komunidad.
