Iniimbetigahan ng Butuan PNP ang insidente ng pamamaril na sanhi ng pagkamatay ng isang 37-anyos na lalaki na naganap sa Juyen’s Auto Trading, C.T. Montalban St., Barangay Villakananga, sa lungsod ng Butuan, pasado 2:30 ng hapon, nito lamang Mayo 8, 2024.
Kinilala ang biktima na si alyas Mark Gil, dating seminarista at manager na residente ng Phase 4, Block 3, Lot 7, Camella Homes, Villakananga, Butuan City.
Batay sa inisyal na imbestigasyon ng pulisya, pumasok ang suspek sa compound at bigla na lamang pinagbabaril ang biktima ng ilang beses gamit ang hindi pa matukoy na kalibre ng armas sa loob ng nasabing establisyimento na kalaunan ay tumakas gamit ang motorsiklo na patungong timog.
Nagtamo ng maraming tama ng bala sa iba’t ibang bahagi ng katawan ang biktima at mabilis na dinala sa ACE Hospital ngunit idineklara itong dead on arrival ng attending physician.
Inabisuhan na ng istasyong ito ang Regional Forensic Unit 13 para sa siyentipikong pagsusuri.
Patuloy pa rin ang imbestigasyon at Hot pursuit operation ng Butuan PNP para sa posibleng pagkakilanlan at pag-aresto sa suspek upang matigil ang ganitong insidente dahil sa Bagong Pilipinas, ang Gusto ng Pulis, Ligtas ka!.
Panulat ni Pat Karen A. Mallillin
