Nagsagawa ng isang makabuluhang Information Awareness Lecture ang mga tauhan ng San Juan City Police Station sa Nicanor Ibuna Elementary School, Barangay Onse, San Juan City nito lamang Biyernes, Abril 19, 2024.
Pinangunahan ng Station Community Affairs and Development Section ang aktibidad sa ilalim ng pamumuno ni Police Colonel Francis Allan M Reglos, Chief of Police ng San Juan CPS at aktibong sinuportahan naman ni Ms. Basilia S Torres, School Principal.
Tinalakay dito ang patungkol sa Public Safety Tips at Crime Prevention, Drug Awareness at Fire Prevention Tips. Gayundin ay namahagi ng mga IEC materials tungkol sa OPLAN Summer Vacation (SumVac). Ito ay nilahukan ng mga magulang at mag-aaral ng naturang eskwelahan.
Layunin nitong palakasin ang maayos na pakikipagtulungan sa mga paaralan at komunidad upang mag-organisa at magpakilos bilang mga tagapagtaguyod ng kapayapaan at kaayusang pampubliko sa ating bansa tungo sa isang maunlad na Bagong Pilipinas.
Source: Sanjuancity Pulis
Panulat ni PSSg Remelin M Gargantos
