Mabilis na sumaklolo ang Inayan Cops ng Mountain Province sa isinagawang rescue operation kasunod ng isang vehicular accident sa Sitio Jakap, Talubin, Bontoc, Mountain Province noong Setyembre 15, 2026.
Agad na nagkaisa sa rescue operation ang Bontoc Municipal Police Station (MPS), Mountain Province Police Provincial Office-Police Headquarters, Barlig MPS, Natonin MPS, 2nd Mountain Province Provincial Mobile Force Company, Bontoc Rescue Teams, Municipal Health Office, Municipal Disaster Risk Reduction and Management Office, Bontoc Emergency Response Team (ERT), at iba pang katuwang na responders.
Kabilang din sa tumugon ang Provincial Medical and Dental Team (PMDT)-Mountain Province, Barlig at Bontoc Bureau of Fire Protection (BFP), Provincial Disaster Risk Reduction and Management Office (PDRRMO), Barlig Local Government Unit (LGU), Philippine Red Cross-Mountain Province, at mga civilian volunteers. Ipinakita ng sama-samang pagkilos ang kahalagahan ng mabilis na koordinasyon at police-community partnership sa pagtugon sa mga emergency.
Nakikiramay ang Inayan Cops sa mga pamilya at mahal sa buhay ng anim na nasawi sa insidente, at nakikiisa sa panalangin para sa mabilis na paggaling ng labimpitong sugatan na pasahero. Ang pagtugon sa insidente ay sumasalamin sa patuloy na paninindigan ng PNP na maisabuhay ang “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: Mountain Province PPO (https://www.facebook.com/share/r/1ERat1u1kY/)
