Arestado ang isang High Value Individual sa ikinasang buy-bust operation ng mga awtoridad sa Silvers Inn, Zone 1, Barangay Libertad, Surallah, South Cotabato nito lamang Mayo 04, 2024.
Kinilala ni Police Brigadier General Percival Agustus Placer, Regional Director ng Police Regional Office 12, ang suspek na si alyas “Joker”, 43, may asawa, magsasaka at residente ng Barangay Dajay, Surallah, South Cotabato.
Ayon kay PBGen Placer, nakuha mula sa suspek ang dalawang pakete ng hinihinalang shabu, isang pirasong genuine one thousand peso bill, walong pirasong one thousand peso bill boodle money (buy bust money) at iba pang non-drug paraphernalia.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay nagpapakita ng suporta sa bagong programa ng Pangulong Ferdinand Marcos Jr. kontra ilegal na droga sa bansa, na itinuturing niyang isang pangunahing hakbang sa pagtataguyod ng isang “Bagong Pilipinas”.
Panulat ni Patrolwoman Rhesalie Umalay
