General Santos City – Arestado ang isang tulak ng droga sa ikinasang manhunt operation ng PRO 12 sa Makar, Barangay Labangal, General Santos City nito lamang gabi ng Sabado, Hulyo 16, 2022.
Kinilala ni Police Brigadier General Randy Q Peralta, Director ng PNP Drug Enforcement Group, ang suspek na si Mark Daculang Samson, 36, walang asawa, residente ng Yu Village, Barangay Apopong, General Santos City.
Ayon kay PBGen Peralta, ang suspek ay nasakote sa nabanggit na lugar ng mga operatiba ng Special Operations Unit 12, PNP DEG kasama ang Police Station 2, General Santos City Police Office at Regional Drug Enforcement Unit 12.
Naaresto si Samson sa bisa ng Warrant of Arrest sa kasong paglabag sa Republic Act 9165 o ang Comprehensive Dangerous Drugs Act of 2002 na may rekomendadong piyansa na Php200,000.
Patuloy ang kampanya ng PNP laban sa ilegal na droga at iba pang krimen upang mapanatili ang maayos at ligtas na komunidad.
Source: PNP DEG
###
Panulat ni PSMS Marisol A Bonifacio
