Arestado ang isang lalaki na dating miyembro ng Philippine Army sa ikinasang intelligence-driven operation sa mga otoridad sa Brgy. Limonda, Opol, Misamis Oriental nito lamang Pebrero 15, 2026.
Kinilala ni Police Brigadier General Christopher N Abrahano, Regional Director ng Police Regional Office 10, ang suspek na si alyas “Tinyente Preacher Jacob,” dating miyembro ng Philippine Army na may rank na Second Lieutenant at graduate ng Scout Ranger Course.
Inaresto ang suspek sa bisa ng Warrant of Arrest sa paglabag sa Article 267 ng Revised Penal Code (Kidnapping for Ransom), as amended by R.A. 7659, docketed sa ilalom sa Criminal Case Nos. 07-1256 and 07-1257 na walang inirekomendang piyansa.
Nabatid na kabilang din ang suspek sa PNP Most Wanted Kidnappers CY 2011 na may patong sa ulo na aabot sa Php300,000.
Naging matagumpay ang operasyon dahil sa pagsisikap ng mga tauhan ng Regional Intelligence Division 10, 2nd Misamis Oriental Provincial Mobile Force Company, 1001st Maneuver Company Ng Regional Mobile Force Battalion 10, Opol Municipal Police Station, DI-MAPIO, at PNP Anti-Kidnapping Group – Mindanao Field Unit (Iligan Satellite Office).
“For 19 years he hid from the law, but justice has finally caught up. His arrest closes a long-standing kidnapping case where his co-accused have already been sentenced to reclusion perpetua. This sends a clear message: fugitives may run, but they cannot outrun justice,” saad ni RD Abrahano.
