Nagsagawa ang Bulacan Police Provincial Office, sa pamamagitan ng Provincial Community Affairs and Development Unit (PCADU), sa pangunguna ni Police Lieutenant Colonel Jerico L Redon, Chief, PCADU, katuwang ang Pulilan Municipal Police Station sa pamumuno ni Police Lieutenant Colonel Eric C Cister, ng “Project Moral Talk” noong Oktubre 15, 2026 ganap na 9:00 ng umaga sa College of Our Lady of Mercy, Pulilan, Bulacan.
Aktibong lumahok sa aktibidad ang mga first-year Criminology students. Layunin ng aktibidad na palawakin ang kaalaman ng mga mag-aaral tungkol sa mga panganib ng ilegal na droga, ang National Task Force to End Local Communist Armed Conflict (NTF-ELCAC), at ang mga tungkulin at responsibilidad ng Philippine National Police (PNP).
Nagbigay rin ito ng inspirasyon sa mga estudyante na isabuhay ang integridad, disiplina, at dedikasyon sa paglilingkod sa bayan.
Sa pamamagitan ng mga programang pang-edukasyon at pangkomunidad, patuloy na pinagtitibay ng Bulacan PPO, sa ilalim ng pamumuno ni Police Colonel Jay B Baybayan, Acting Provincial Director, ang ugnayan ng kapulisan at sektor ng edukasyon upang mahubog ang kabataang may disiplina, malasakit, at pananagutan sa lipunan.
Source: https://www.facebook.com/share/p/19omeSd9yE/
