Cebu City, Philippines – Arestado ang isang Australian National at kasama nitong pinoy sa isinagawang buy-bust operation ng mga operatiba ng Cebu City PNP nito lamang Sabado, Hulyo 16, 2022.
Kinilala ni Police Colonel Ernesto Salvador T Tagle, Acting City Director ng Cebu City Police Office, ang suspek na sina Tony Ristanovski, 51, Australian National, residente ng Caimito St. Brgy. Mambaling, Cebu City at Norie Ann Abapo Pia alyas “Yanyan”, 24, residente ng V. Aranaa, Ext., Sitio Sta. Monica Duljo Fatima, Cebu City.
Ayon kay PCol Tagle, naaresto ang dalawang suspek bandang 11:35 ng gabi sa Caimito Street, Brgy. Mambaling, Cebu City ng mga operatiba ng Station Drug Enforcement Unit, Police Station 1, Cebu City Police Office sa pangangasiwa ni Police Major Efren Dela Cruz Diaz Jr., Chief of Police.
Nakuha sa mga naturang suspek ang pitong transparent plastic sachet na may timbang na 7 gramo ng hinihinalang shabu na may Standard Drug Price na Php47,600 at buy-bust money, habang ang isang dayuhan na nagngangalang Tony Ristanovski ay nahuli in Flagrante Delicto sa bisa ng Plain View Doctrine na may illegal paraphernalia kabilang ang isang transparent glass tooter at isang improvised lighter.
Nahaharap sa kasong paglabag sa Section 5, 11 at 12, Article II ng Republic Act 9165 o ang Comprehensive Dangerous Drugs Act of 2002 ang mga suspek.
Patuloy ang Cebu City Police Office sa mga ginagawang operasyon kontra ilegal na droga upang tuluyang mahuli ang mga nagbebenta at gumagamit ng ilegal na droga at maging malaya ang ating bansa sa ipinagbabawal na gamot na sumisira sa kinabukasan ng ating mamamayan lalo na sa mga kabataan.
###
