Mabilis na rumesponde ang mga tauhan ng Peñarrubia Municipal Police Station (MPS) sa isang emergency call kaugnay ng isang 32 anyos na lalaki na nakararanas ng hypertension at hirap sa paghinga sa Sitio Surkok, Brgy. Dumayco, Peñarrubia, Abra, noong Agosto 22, 2026, bandang alas 11:40 ng gabi. Pinangunahan ni PCMS Edgar B. Bersamin, MESPO, kasama sina PCpl Glenmar C. Agapito at Pat Marvin Clark T. Tillay, ang agarang pagtugon sa insidente.
Agad nagtungo ang mga pulis sa tahanan ng pasyente at maingat siyang isinakay sa police mobile vehicle bago mabilis na dinala sa pinakamalapit na ospital para sa kinakailangang atensiyong medikal. Sa kanilang maagap na pagkilos, nakatulong ang mga tauhan ng Peñarrubia MPS na matiyak na agad na makatatanggap ng kaukulang pangangalaga ang pasyente sa gitna ng emergency.
Ipinakita ng insidente ang patuloy na malasakit at kahandaan ng mga tauhan ng PNP na tumugon sa pangangailangan ng mamamayan, maging sa mga sitwasyong lampas sa karaniwang police duties. Ang ganitong uri ng serbisyong nakasentro sa kapakanan ng komunidad ay kaakibat ng paninindigan ng PNP na isabuhay ang adbokasiya ng PNP na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: Pnp Abra Peñarrubia (https://www.facebook.com/share/p/19FScJFkKY/)
