Upi, Maguindanao – Ginulantang ng isang malakas na pagsabog ilang metro ang layo matapos makadaan ang convoy ni Governor Bai Miriam Mangudadatu sa Upi, Maguindanao noong Martes, Abril 19, 2022.
Kinilala ang biktima na si Abdulrauf Usman, 32, residente ng Brgy Talibado, na nagtamo ng tama ng sharpnel sa parte ng kanyang katawan at isang supporter sa partido ng nasabing gobernador.
Ayon sa inisyal na imbestigasyon ay hindi pa tukoy kung sino o anong grupo ang may kagagawan ng pagsabog at kung ano ang motibo ng mga ito sa pagpapasabog.
Ayon kay PCpt Fhaeyd Cana, Spokesperson, Maguindanao Police Provincial Office, galing ang convoy ni Governor Mangudadatu sa isang political rally sa bayan ng South Upi kasama ang mga lineup nito ngunit ng pagsapit nila sa nasabing lugar ay bigla na lamang may sumabog na posibleng isang IED.
Tinamaan ang isang Toyota Land Cruiser na may plate # MDN 878 na pagmamay-ari ng tumatakbong board member sa ikalawang distrito ng lalawigan na dating Mayor ng Datu Anggal Midtimbang.
Sa agarang aksyon ng Maguindanao PNP at pag-iinspeksyon sa lugar, ay isa pang IED ang narekober sa tabing highway malapit sa unang pinangyarihan ng pagsabog na dali-daling kinordon ng mga otoridad at nagsagawa ng post blast investigation ang EOD team.
Patuloy pa rin ang imbestigasyon ng PNP sa nangyaring pagsabog upang mapanagot sa batas ang sino mang may kagagawan nito.
###
Panulat ni Patrolman Mark Vincent Valencia
