Davao del Sur – Tinatayang Php165,000 na halaga ng shabu ang nasabat sa apat na indibidwal sa buy-bust operation ng puwersa ng PNP sa Digos City, Davao del Sur, nito lamang Martes, Abril 19, 2022.
Kinilala ni PLtCol Hamlet Lerios, Officer-in-Charge ng Digos City Police Station ang mga naarestong suspek na sina Fredelyn Cayanan, Rapunzel Myarraj Moskito, Abdumalick Sacampong at Jasper Joseph Cayanan alyas “Pin-Pin” na pawang mga residente ng nasabing lugar at tinaguriang mga High Value Individual.
Ayon kay PLtCol Lerios, nakuha sa mga suspek ang isang medium size at dalawang maliliit na pakete ng hinihinalang shabu na may bigat na humigit kumulang 11 gramo at tinatayang may street market value na Php165,000 at marked money na ginamit sa nasabing operasyon.
Ayon pa kay PLtCol Lerios, naaresto ang mga suspek sa Purok Alum, Barangay Zone 1, Digos City, Davao del Sur ng pinagsamang tauhan ng City Drug Enforcement Unit (CDEU) at Digos City Police Station.
Ang apat ay nasa kustodiya na ng nasabing istasyon upang sampahan ng kasong paglabag sa Republic Act 9165 o Comprehensive Dangerous Drugs Act of 2002.
Samantala, mas lalo namang paiigtingin ng Police Regional Office 11 ang kampanya nito kontra ilegal na droga sa pamamagitan ng pakikipag-ugnayan sa mga mamamayan at paghikayat na itigil na ang masasamang gawain.
###
Panulat ni Patrolman Alfred Vergara
Saludo sating mga kapulisan