Pinangunahan ni Police Colonel Randy Glenn Silvio, Acting District Director ng QCPD, ang walk through inspection para sa gagawing tatlong araw na United People’s Initiative (UPI) “Peaceful Rally for Transparency” sa People Power Monument, White Plains, EDSA, Quezon City bandang 8:00 ng umaga nito lamang Biyernes, Nobyembre 14, 2025.
Kasama sa naturang walk-through inspection sina Police Colonel Robert Lingbawan, ADDO; Police Colonel Vicente Bumalay Jr., Chief, DOD; Police Lieutenant Colonel Richard Mepania, Acting Chief, DPRMD; at Police Lieutenant Colonel Rossel Cejas, Acting Chief, DID.
Kasama rin ang mga kinatawan ng AFP, BFP, MMDA, TTMD, at Philippine Red Cross.
Nagkaroon din ng diskusyon si Police Brigadier General Elmo San Diego (Ret.), Chief, DPOS, sa terms and conditions ng mga approved rally permit, at security measures na inilatag para sa event kasama ang UPI organizers na pinangunahan ni Mr. Mark Bertuldo, Executive Secretary.
Layon nito na palakasin ang ipapatupad na security measures upang mapanatili ang kaayusan at kaligtasan ng bawat kasama sa naturang rally dahil sa pagtutulungan ng kapulisan at iba pang law enforcement agency.
Source: Quezon City Police District
Panulat ni PMSg Grace Ortiz
