Arestado ang dalawang High Value Individual sa isinagawang buy-bust operation ng Naga City Police Office sa Bacolod Street, Zone 5, Gimenez Subdivision, Barangay Concepcion Pequeña, Naga City, nito lamang Mayo 7, 2024.
Kinilala ang mga suspek na si alyas “Tor”, residente ng Isla Sison Peñafrancia, Naga City at alyas “Mel”, residente ng Clupa, Barangay Calauag, Naga City.
Ang mga suspek ay naaresto sa pinagsanib na pwersa ng CPDEU, NCPO, PS2 at PDEA Naga na nagresulta sa pagkarekober ng limang pakete ng hinihinalang shabu.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra ilegal na droga ay patuloy na pinapaigting ng PNP Bicol sa pamumuno ni Regional Director Police Brigadier General Andre P Dizon alinsunod sa kampanya na panatilihin ang kapayapaan at kaayusan dahil ang gusto ng pulis ay ligtas ang komunidad tungo sa pagsulong ng Bagong Pilipinas.
Source: PNP Kasurog Bicol
Panulat ni Pat Rodel Grecia
